- +251118722266
- Striving for eco industrial park
የኢንዱስትሪ ፕሮጀክቶች አገልግሎት ከ2 የስኳር ፋብሪካዎች ጋር የውል ስምምነት ተፈራረመ
የውል ስምምነቱን የኢንዱስትሪ ፓርኮች ልማት ኮርፖሬሽን የትራንስፎርሜሽንና ዋና ስራ አስፈጻሚ ጽ/ቤት ኃላፊ አቶ ፍፁም ከተማ ከከሰም እና ፊንጫ ስኳር ፋብሪካ ስራ አስኪያጆች ጋር ተፈራርመዋል፡፡
ስምምነቱ የኢንዱስትሪ ፕሮጀክቶች አገልግሎት ለስኳር ፋብሪካዎቹ የንብረት ትመና በማድረግ እና የፋይናንስ ድጋፍ የሚያገኙበትን የጥናትና ምርምር ስራ በማከናወን ወደ ተሻለ ምርታማነት ለማሸጋገር ያለመ መሆኑን ተገልጿል፡፡
የኢንዱስትሪ ፕሮጀክቶች አገልግሎት በጥናትና ማማከር ላለፉት 40 ዓመታት በላይ የተለያዩ ግዙፍ ሀገራዊ ፕሮጀክቶችን እውን ያደረገ ሲሆን ከዚህ ቀደም ከ3 ግዙፍ የስኳር ፋብሪካዎችና ከሌሎችም ተቋማትና ፕሮጀክቶች ጋር የጥናትና ምርምር እንዲሁም የማማከር ስራዎችን ለማከናወን የውል ስምምነት መፈራረሙ አይዘነጋም፡፡
