ባህር ዳር ኢንዱስትሪ ፓርክ ለአካባቢው ወጣቶችና አርሶአደሮች ተጠቃሚነት

ባህር ዳር ኢንዱስትሪ ፓርክ ለአካባቢው ወጣቶችና አርሶአደሮች ተጠቃሚነት ጉልህ አስተዋጽኦ እያበረከተ መሆኑ ተገለጸ

የባህር ዳር ኢንዱስትሪ ፓርክ የአካባቢውን እምቅ የተፈጥሮ ሀብት ከግምት ውስጥ በማስገባት በግብርና ዘርፍ ለተሰማሩ ባለሀብቶች፣ ለአምራች አርሶ አደሮች እና ለስራ ፈላጊ ወጣቶች ተጠቃሚት ጉልህ አስተዋጽኦ እያበረከተ መሆኑን የኢንዱስትሪ ፓርኮች ልማት ኮርፖሬሽን የኢንቨስትመት ፕሮሞሽን እና ማርኬቲንግ ዘርፍ ምክትል ዋና ስራ አስፈጻሚ ዘመን ጁነዲን ገለፁ ፡፡ 

ፓርኩ በአግሮ ፕሮሰሲንግ ዘርፍ ከፍተኛ እንቅስቃሴ በማድረግ ላይ  እንደሚገኝ የገለጹት ምክትል ስራ አስፈጻሚው በፓርኩ  ውስጥ ስራ ከጀመሩ ኢንቨስትመንቶች መካከል አንዱ የሆነዉ ኒርቫና ለ 10 ሺህ  አኩሪ አተር ለሚያመርቱ አርሶአደሮች ዘላቂ የገበያ ትስስር መፍጠሩን ጠቁመዋል፡፡ 

 ሌላኛው በፓርኩ ስራ የጀመረው አፉላንስ ማኑፋክቸሪንግ ካምፓኒም እንዲሁ የኤሌክትሪክ ትራንስፎርመሮችን በማምረት ከአማራ ብሄራዊ ክልላዊ መንግስት በተጨማሪ ለተለያዩ የሀገሪቱ ከፍሎች ምርቶቹን በማቅረብ ላይ ይገኛል ብለዋል፡፡ 

ኩባኒያው በዚህም ለአካባቢው ወጣቶች የስራ ዕድል ከመፍጠሩ በተጨማሪ በቴክኖሎጂ እና እዉቀት ሽግግር ከፍተኛ አስተዋጽኦ በማበርከት ላይ ነዉ ሲሉ አክለዋል፡፡ 

የባህር ዳር ኢንዱስትሪ ፓርክ ክልሉ ያለውን እምቅ የተፈጥሮ ሀብት የአካባቢው ወጣቶች ካላቸው ክህሎት ጋር ቴክኖሎጂን በፍጥነት በማዋሀድ ለክልሉ  ሁለንተናዊ ዕድገት የማይተካ ሚና እየተጫወተ መሆኑን  አቶ ዘመን ጨምረው ገልጸዋል፡፡

በተለያዩ ዘርፎች ለመሰማራት አቅሙና ፍላጎቱ ላላቸው የሀገር ዉስጥ እና የውጪ ባለሀብቶችን  ለማስተናገድ የሚያስችል አስፈላጊው መሰረተ ልማት የተሟላላቸው  የማምረቻ ሼዶችና የለማ መሬት ዝግጁ  ሆነው ባለሀብቶችን እየተጠባበቁ መሆኑን  የፓርኩ ስራ አስኪያጅ ወ/ሮ ጥሩዬ  ቁሜ ገልፀዋል፡፡ 

በዚህ ረገድ የኢንዱስትሪ ፓርኮች ልማት ኮርፖሬሽን ለአካባቢው ወጣቶች ስራ ለመፍጠር የሚደረገውን ጥረት እንዲያጠናክር ስራ አስኪያጁ በአጽንኦት ጠይቀዋል፡፡ 

ፓርኩ በተኪ ምርት ፤ በስራ ዕድል ፤በገበያ ትስስር ፤ በኮርፖሬት ተሳትፎ  እና በአረንጓዴ አሻራ  ተግባራት ዉጤታማ ስራ እየሰራ መሆኑን አቶ ዘመን በፓርኩ በነበራቸው ቆይታ ማረጋገጣቸውን ገልጸዋል።

#IPDC
#PMOEthiopia 
#striving_for_eco_industrial_park
#industrialpark
#eco industrial park
#bahirdarindustrypark
#industrypark
#Investment
#agroprocessing
በዌብሳይት - https://ipdc.gov.et/
በፌስቡክ - https://www.facebook.com/IPDCEthiopiaofficial
በትዊተር (ኤክስ) - https://x.com/EthiopiaIpdc
በቴሌግራም - https://t.me/ipdcofficial
በሊንክድ ኢን - https://www.linkedin.com/company/ipdcethiopiaofficial
በኢንስታግራም - https://www.instagram.com/ipdc_et
በዩቲዩብ - https://lnkd.in/dJN-5uuY
በቲክቶክ - https://www.tiktok.com/@ipdc_ethiopia
በቴሌግራም ቦት https://t.me/ipdctchatbot